Powalli: 237
- Moyolmelawas ipan maya, nawatlahtolli wan tsotsil welli moitas ipan canal YouTube INETV, ipan redes sociales wan ipan amahiswatl pagina tlen Central Electoral
Panpa moneki ma motlepanitas techpowilistli tlen político-wasanilistli wan ika yolmelawalistli tlen masewaltsitsih tlen ni tlaltokahyotl, ni Weyitekikalko Instituto Nacional Electoral (INE), mopalewiah nohkia ika Weyitekikalko Instituto Nacional de Lenguas Indígenas (INALI), kinmatiltis nochi onkas tlahtolkwepalistli ipan Ome Weyitlanawatihkah Itlahtolmanawilis –keh mochihki ipan achtowi pantilistli- ika eyi masewaltlahtolmeh tlen ni tlaltokahyotl: maya, nawatl wan tsotsil.
Moyolmelawas tlen mochiwas ipan 28 tonalli tlen abril meetstli kema elis 20:00 kawil kanpa Estudios Churubusco, welli moitas ipan canal tlen YouTube tlen Instituto (INETV), nohkia ipan miak redes sociales wan ipan tepostli pagina electrónica: https://centralelectoral.ine.mx/. Kanpa masewalmeh welli kinitaseh noso kintlakakiseh elih yani:
- Tlahtolkwepalistli ika Nawatlahtolli:
https://www.youtube.com/live/bSyN6DE2-fk?si=yWsscWqfAAikqcey
- Tlahtolkwepalistli ika maya tlahtolli:
https://www.youtube.com/live/WGPHbtreiaM?si=z_REgohyDXgsw6yQ
- Tlahtolkwepalistli ika tsotsil tlahtolli:
https://www.youtube.com/live/qn3lLqrQE-0?si=TAFofR7tsyLBPMhk
- Mexihkah Tlahtolmachiyoh:
https://www.youtube.com/live/GykiUx2bnEM?si=TsrBRYZ_2n7G-4Uz
Keh mochihki ika Achto Tlahtolmanawilis, tekitihkeh sansehko towaya Red de Radiodifusoras y Televisoras Educativas y Culturales de México (RED México), ika yani mochiwas tlahtolkwepalistli ipan 12 tekpantli ipan nochi ni tlaltokahyotl, nohkia sekih weyimasewaltepostinih keh ni TV UNAM.
Namah, ixnesi masewaltlahtolkwepanih inintokah tlen tlahtolkwepaseh ipan ni Ome Weyitlanawatihkah Itlahtolmanawilis:
Ni Ome Weyitlanawatihkah Itlahtolmanawilis welli moitas wan motlakakis ipan nochi totlaltokayoh wan itokah Ohtli kanpa momoyawas Mexihko La ruta hacia el desarrollo de México wan kikpias ni tlamachtiltlamantli: Tomintlanilistli iweychiwalis, Tekitl wan motehkowa ipatlis nochi tlamantli; kenihkatsa motetonia wan onka kwaltilolli; Kanpa axtleno onkah wan axtowikal timoitah, nohkia Tlatotonkayotl ipatlalis wan moyawalistli tlen mowehkawa.
Ni “B” Itlachiyalis tlen motekiwis ika ni tlahtolmanawilis axiwikal keh seyoh panpa kipia kawil kanpa masewalmeh kintlahtlaniseh ipan tlamawisolli, yani kintitlanihkeh tlen 32 itlapankah tlen ni tlaltokahyotl wan ome altepetl tlen Estados Unidos (Los Ángeles wan Dallas) masewalmeh tlen Coordinación Nacional de Comunicación Social (CNCS) tlen INE.
Tlahtlanilistli tlen motlapehpenki moxexeloseh ipan nawi tlaloko: Norte; Bajío wan Costa Oeste; Centro, nohkia Sureste. Ipan itlapankah ika sesen piltlapankatsih moixnextiseh tlahtlanilistli tlen sanse tlaloko.
Iasitilis tlen ni tlachiyalistli eli moolinis kenihkatsa moitah inintlalnamikilis tlen ni tekichiwanih candidaturas, moixmatis tlen kihtowa, achi tekitiseh masewalmeh wan ma moitas tlakiya moneki ipan sesen tlaloko ika nompa tlahtlanilistli, nohkia moixmatis kenihkatsa momanawiah ni tekichiwanih ika masewaltlahtlanilis.
Ika tlahtolkwepalistli tlen masewaltlahtolmeh katli ni tlaltokahyotl ipan tlahtolmanawilis wan ika Mexihkah Tlahtolmachiyoh, ni INE kitokilia ma nochipa moitas nochi kwalli tiitstokeh keh kisenkahtok Consejo General kanpa motsontlananah ni yolmelawalistli.
-o0o-